Siglir tar il cuntegn

Header

cuntegn

Chantun Fieu artifizial era tar plievgia

Quai è paradox. En blers lieus èsi scumandà da laschar ir fieus artifizials. Il motiv per il scumond è la sitgira da las davosas emnas. Uss, cura che las rachetas fissan semtgadas en ils lieus lubids, è annunzià plievgia.

Tenor 2 vendiders da fieu artifizial a Cuira na saja la plievgia dentant betg in grond problem per las rachetas, per ils vulcans e per las uschenumnadas «battarias» che cuntegnan plirs tozzels rachetas pitschnas. Tuttina na dastgan ils fieus artifizials betg vegni plazzads memia ditg en la plievgia. En spezial ils vulcans pudessan arder pli curt che usità, sch’els vegnian memia bletschs, han ditg ils vendiders.

audio
Bunura: Funcziuna fieu artifizial era sch'i plova?
ord Actualitad dals 01.08.2015.
laschar ir. Durada: 2 minutas 12 Secundas.

En mintga cas èsi da sclerir, schebain quai è lubì da laschar ir fieus artifizials avant d’envidar rachetas, vulcans e battarias. Per l’entir Grischun datti numnadamain in scumond da fieus artifizials en guauds ed en la vischinanza da quels. Per infurmaziuns davart lieus lubids per fieus artifizials èsi recumandà da s’infurmar tar la vischnanca.

Artitgels legids il pli savens