Siglir tar il cuntegn

Header

Navigaziun

Legenda: Guardar il video GrFlex – Suenter la consultaziun retira regenza il project. Durada 02:16 minutas.
Or da Telesguard dals 06.06.2019.
cuntegn

Finanzas dal GR GrFlex vegn sepulì

Il directur da finanzas Christian Rathgeb vul flexibilisar las finanzas dal Grischun senza nova lescha. La finamira resta dentant la medema sco tar GrFlex.

GrFlex era l'ultima lescha che Barbara Janom Steiner ha tramess en consultaziun sco directura da finanzas: Ina lescha per reduzir las obligaziuns finanzialas dal chantun cun reveder 14 leschas chantunalas. Quai cun la finamira da simplifitgar futurs pachets da spargn.

Custs vegnan be spustats

La consultaziun haja però mussà ch’i dettia grondas resalvas da numerusas varts. Per exempel ch’il chantun pudess spargnar sin custs da las vischnancas e regiuns. Il tenor: Il chantun na pussibiltescha betg nov potenzial da spargn, ma sposta custs dal chantun tar las vischnancas.

Flexibilsar en etappas

La finamira da flexibilisar las finanzas resta. Empè da far quai cun ina lescha, duai ussa vegnir flexibilisà en etappas: Numnadamain mintga giada cura ch'ina lescha vegn revidida.

Sco proxim vul la regenza analisar anc quest onn detagliadamain las expensas e prestaziuns dal chantun.

RR novitads 11:00