38 centers da prestaziun da sport regiunals e naziunals en il Grischun survegnan en tut 673'400 francs dal chantun. Sco Thierry Jeanneret da l'uffizi da sport ha ditg sin dumonda da RTR, stoppian ils centers ademplir tscherts criteris qualitativs e quantitativs. Impurtant saja ch'els possian cumprovar in concept da juniors da Swiss olympic. Decisiv saja dentant era il dumber da trenadras e trenaders professiunals ch'il club occupeschia e quantas atletas ed atlets che traneschan quantas uras.
Las contribuziuns ch'in singul club survegn varieschan uschia onn tar onn.