Siglir tar il cuntegn

Header

Navigaziun

duas cranas e bler tschiel.
Legenda: pixabay
cuntegn

Chantun Firma grischuna sto pajar enavos indemnisaziuns da malaura

Pervi da malaura avev'ina firma grischuna incassà durant trais onns indemnisaziuns da 776'000 francs. Uss ha il Tribunal administrativ federal decis che ina part da quels daners stoppia vegnir pajada enavos.

La cassa da dischoccupaziun a Cuira aveva pajà per ils mais favrer e mars 2014, schaner fin mars 2015 e schaner fin mars 2016 a la firma indemnisaziuns da radund in milliun francs. Quai resulta d'ina decisiun dal Tribunal administrativ federal.

Ina controlla da la SECO aveva dentant mussà che la firma n'avess gì da bun nagins daners durant quels onns. Per l'ina na saja il temp da lavur betg vegnì registrà cuntinuant durant ils mais pertutgants. Er ils rapports da maschinas e vehichels hajan mussà ch'i saja vegnì lavurà durant quest temp. Plinavant haja l'interpresa pajà supplements per gentar.

La sentenzia dal Tribunal administrativ federal n'ha anc nagina vigur legala. La decisiun po anc ir avant il Tribunal federal.

RR novitads 15:00