En svizra èn vegnids inoltrads il 2020 en tut 880 concurs da firmas pli pauc, che l'onn avant. En tut hai dà 3'811 concurs. Quai èn marcantamain pli paucs.
Er en il Grischun èn vegnids registrads pli paucs concurs ha ditg Jörg Obrist, il president da l’assoziaziun dals funcziunaris dals uffizis da scussiun e concurs. «Per il 2021 spetgain nus in augment dals concurs», ma il mument saja quai grev da dir. En cumparegliaziun cun ils onns avant na saja il mument anc betg enconuschent indizis per l'augment marcant da concurs.
Firmas da zombie
Che singulas firmas hajan profità dals pajaments da credit da corona saja da supponer. Ma credits sajan da pajar enavos uschia che Obrist quinta cun dapli concurs. Spezialmain la branscha da gastronomia e furniturs da quella hajan il mument da cumbatter fermamain. Auter ch'il chantun Turitg vegn il Grischun dentant betg ad augmentar il persunal tar il uffizis da scussiun e concurs. Ils singuls uffizis sa gidan gia ussa e vegnan a far quai er en futur, resumescha Obrist la lavur supplementara che pudess vegnir quest onn.