Il studi fan numerusas Grischunas e Grischuns en la Bassa, savens er cun l'intenziun da puspè turnar en la patria. Ma savens vegni auter, blers restan a Turitg, Berna u Friburg, chattan ina plazza ed ils plans da turnar n'èn betg pli actuals. A quai trend vul l'occurenza «trampolin per students» dar cuntrapais. Cun visitar fatschentas grischunas sco la Hamilton, l'EMS Chemie u era la Trumpf a Grüsch vulan las firmas ed il chantun promover ils contacts tranter fatschentas e students ed uschia animar els da restar u turnar el il chantun Grischun.
Turnar en la patria
Divers students ch'han guardà davos las culissas da la Trumpf a Grüsch vulan turnar enavos en il Grischun. Quai malgrà che Turitg u autras citads purschessan in mund da lavur pli innovativ ed internaziunal. Ma lavurar en in ambient cun pli paucas fatschentas che creschan possia er esser attractiv. Uschia possian ins sez contribuir dapli al svilup e quai en l'atgna patria.
RR actualitad 07:00