Da las 106 vischnancas grischunas – survegnan 66 vischnancas bunamain 27 milliuns francs or da la gulivaziun da resursas. Questas contribuziuns vegnan dal chantun (radund 8,3 milliuns) e da las 39 vischnancas grischunas cun fermas finanzas (var 18,5 milliuns).
Dasper quai survegnan 49 vischnancas contribuziuns, perquai ch'ellas èn engrevgiadas tras lur situaziun geografica e topografica e tras lur custs da scola. Ils total 24 milliuns francs metta il chantun dal tuttafatg a disposiziun. La contribuziun la pli gronda survegn cun dus milliuns la vischnanca da Tavau.
Tschintg vischnancas ch'èn finanzialmain flaivlas survegnan dal chantun supplementarmain – ina gulivaziun limitada da total in mez milliun francs .
Questa gulivaziun facilitescha a questas vischnancas da midar al nov sistem da gulivaziun da finanzas ch'è en vigur dapi il 2016. Quest sustegn supplementar vegn reducì pass per pass, e pajà l'ultima giada il 2020.
Il Cussegl grond fixescha las contribuziuns per las vischnancas definitivamain en il preventiv da l'onn 2019.
RR novitads 12:00