Siglir tar il cuntegn

Header

Navigaziun

orchidea
Legenda: Orchideas RTR, Selina Camichel
cuntegn

Chantun FloristAs sa preparan per il di da la mamma

Per accumplir tut ils giavischs da lur clients dovran floristAs dal Grischun specialmain bler material per il di da la mamma. Sper la pussaivladad d'empustar il material online en l'Ollanda pon els er cumprar en al lieu tar Fluors Grischa a Landquart. Tar omaduas variantas retiran els il material a Landquart.

Las quatter fatschentas en il center a Landquart porschan tut che ortulanAs e floristAs dovran. Curt avant il di da la mamma marscha spezial bler tar Fluors Grischa – oravant tut en ils dus affars da fluras tagliadas e plantas da vaschs. Per l'interpresa Gensetter che furnescha surtut a grossists sco la Migros, il Coop e la Landi è il squitsch curt avant il di da la mamma er fitg grond.

L'avrigl e matg faschain nus 40-50% da la svieuta annuala.
Autur: Heinz GensetterMainafatschenta da la firma Gensetter

Il classicher per il di da la mamma èn rosas cotschnas. Ma er plantas en vaschs ed orchideas cumpran blers.

Auter che flurs èn tar uffants chaussas zambregiadas fitg popularas. Uschia era per ils scolarAs da la terza classa da Schlarigna. En scola han els preparà ina carta speziala da 3D per la mamma.

RR actualitad 12:00