Na, il recept cunter la depopulaziun n'ha er il forum economic dal Grischun betg. Quai di Peder Plaz, il mainagestiun. El propona dentant inqual ingredienza che pudess gidar. Qua insaquants exempels:
- ferms centers regiunals cun bunas scolas e tut quai ch'i dovra per viver
- chaus innovativs che s'engaschan e fundeschan fatschentas
- scol'autas, sco la HTW, uschia ch'ils giuvens restan per la scolaziun en il chantun
Gist scol'autas procuran persuenter che giuvnas e giuvens Grischuns gnanc bandunan la patria. En la fasa tranter 25 e 30 nua che blers chattan lur partenari saja tenor Peder Plaz fitg decisiv nua ch'ils giuvens sa chattan. Sch'els chattan lura l'um u la dunna da la vita per exempel a Turitg, è la schanza er pli gronda ch'els restan pendì là. Cun scolas en il Grischun pon ins dentant er carmalar giuvens dad autras regiuns, ed uschia schizunt anc cumpensar inqual che bandunà il Grischun.
RR actualitad 07:00