La fracziun da la PBD grischuna refusa unanimamain l'iniziativa che vul abolir la chatscha speziala. Sch'ins veglia far quai, stoppian ins chattar autras soluziuns per ademplir ils plans da reducir la selvaschina, hai num en la communicaziun.
In exempel per schliar auter il problem fiss cun uschenumnadas chatschas da reschia. Quellas faschessan però betg ils chatschaders sezs, mabain la surveglianza da chatscha. Quai che cuntrafetschia a la tradiziun da chatscha grischuna, uschia la PBD.
Il Cussegl grond tracta l'iniziativa che fatschenta gia dapi onns durant la sessiun da december.
