Siglir tar il cuntegn

Header

cuntegn

Chantun Fraid e grisch sco paucas giadas

En l'entira Svizra è il favrer 2018 stà memia fraid e grisch. En las Prealps èsi stà il favrer cun il pli pauc sulegl dapi l'entschatta da las mesiraziuns. Latiers èsi stà en l'entira Svizra memia fraid, en l'ost 3 fin 4 grads sut la norma.

Il schaner saja stà en il nord da las Alps radund 5 grads pli chaud ch'en la media da la norma relevanta dals envierns 1961-1990. A Basilea ed a Genevra è il schaner 2018 perfin stà il pli miaivel dapi l'entschatta dal 19avel tschientaner.

Dentant saja il favrer 2018 stà 4°C pli fraid ch'en la media. Ad Arosa èsi schizunt stà 4,5°C pli fraid. Durant il favrer dals envierns dal 2012 ed il 2013 èsi dentant stà anc pli fraid. L'entschatta da l'emna hai dà sin il Corvatsch ed a la staziun Buffalora tar il pass dal Fuorn mesiraziuns da sut -30°C. In'anc pli bassa temperatura hai da sulettamain a La Brévine, ils 10 da favrer, cun -31,4°C

Fertant ch'i ha dà grondas nevadas il schaner, è il favrer stà en blers lieus memia sitg. Tenor SRF Meteo saja vegnì mesirà sin la staziun a Samedan durant il favrer sulettamain 5 millimeters naiv.

Uss arriva la primavaira

Ils proxims dis vegni cuntinuadamain pli chaud. La gievgia ed era il venderdi bun'ura datti per part anc naiv en lieus pli bass, dentant tar temperaturas marcantamain pli autas ch'ils ultims dis. En las Alps buffa il favugn e las temperaturas creschan sin radund 7°C. La dumengia èn enturn 10°C pussibel.

RR novitads 06:00

Artitgels legids il pli savens