Sper l’industria d’export ha era la hotellaria sentì recentamain las consequenzas dal franc ferm. La decisiun da la banca naziunala svizra da dar si il curs minimal dad 1.20 francs ha procurà per temps turbulents en la branscha turistica.
Igl è stà in schoc, ils 15 da schaner avant 5 onns.
Il pli aut hotelier svizzer era gist duas emnas en uffizi. Dad in di sin l’auter hajan las pernottaziun en Svizra custà 20-25 pertschient dapli per ils giasts da l'exteriur, di Andreas Züllig. L'hotellaria haja pers giasts da la Germania, Ollanda, Belgia ed Italia.
Era ils Svizzers hajan tuttenina fatg pli gugent vacanzas en l’Austria u en il Tirol dal Sid. Là eran las vacanzas tuttenina pli favuraivlas damai ch’i deva dapli euros per il ferm franc svizzer.
Jau sai anc exact e bain nua ch'jau sun stà cura che Thomas Jordan ha communitgà la decisiun da la banca naziunala.
RTR actualitad 07:00