Per il president da Grischun vacanzas Marcel Friberg è cler: Ussa dovri mesiras. La strategia da Grischun vacanzas è da carmalar dapli novs giasts da l'Asia e da la Svizra. Quai per cumpensar ils giasts da l'Europa che mancan.
«Politica sto gidar»
I dovria però era agid da la politica. Concret pretenda Friberg che la politica agrara sa midia. Tras lezza sajan ils pretschs dals hotels en Svizra per 30% pli chars, perquai che la politica isoleschia la fiera svizra da quella da l'Uniun europeica.
Massa, massa facturs ch'èn la sfida ch'i ha ils ultims 20 onns betg dà en il turissem.
Sper il ferm franc svizzer procurian però era las consequenzas da l'iniziativa cunter abitaziuns secundaras per mal il venter als turistichers. Ultra da quai hajan ils hoteliers fadia da chattar persunal qualifitgà tras l'iniziativa cunter l'immigraziun da massa.
RR Actualitad la bunura 06:00