Siglir tar il cuntegn

Header

audio
Ellas van a scola en il «Quader» a Cuira – Yakira Bischofberger e Bigna Foffa da la segunda classa superiura.
Or da Actualitad dals 09.10.2020.
laschar ir. Durada: 03:28 minutas.
cuntegn

Fufragnadis en temp da corona Duas scolaras tschertgan ina clamada

Bigna Foffa e Yakira Bischofberger pondereschan da lavurar pli tard a la recepziun d’in hotel, en ina libraria u en la psichiatria. Per esser segiras sche quai è propi il vair, tschertgan ellas fufragnadis.

Bigna aveva atgnamain en il chau da forsa daventar magistra u giurista. En il rom d’orientaziun en scola è ella dentant vegnida sin l’idea ch’ella pudess forsa era lavurar a la recepziun d’in hotel.

Jau sun fitg communicativa ed hai gugent linguas ed umans.
Autur: Bignia Foffascolara da la segunda secundara

Ella ha en senn da s’annunziar per fufragnadis en hotels a San Murezzan u a Flem per guardar sch’i plaschess ad ella da lavurar ad ina recepziun.

Yakira Bischofberger ha gia scrit annunzias per fufragnadis sco librarista e sco «FAGE» – spezialista da sanadad en spitals e psichiatria. Ella sa gia d’urella che questas clamadas l’interesseschan, ella ha gugent cudeschs ed umans.

Intgins han forsa tema dad umans en la psichiatria, ma mai interesseschan umans ch’èn in zic auters.
Autur: Yakira Bischofbergerscolara da la segunda secundara

Scola porscha sustegn

En la segunda classa superiura datti il rom d’orientaziun professiunala.

En quest rom (orientaziun professiunala) avain nus peda da guardar cun ils giuvenils tge fermezzas ch’els han ed en tge direcziun ch’els lessan ir.
Autur: Vendelin Cabernardmagister

Damai che la Fiutscher, l’exposiziun da clamadas, na po betg vegnir manada atras pervi dal coronavirus, cusseglia il magister als scolars da far forsa dapli fufragnadis per obtegnair ina buna invista en differentas professiuns.

La Fiutscher saja dentant sulet in element che manchia en l’entira paletta dad infurmaziuns davart clamadas. Ils scolars possian era s’orientar en il center d’infurmaziun professiunala (BIZ) u sin plattafurmas spezialisadas, per exempel sin www.cussegliaziun.ch, il link avra en ina nova fanestra.

RTR actualitad 07:00

Artitgels legids il pli savens

Scrollar a sanestra Scrollar a dretga