La Lescha davart la promoziun da la transfurmaziun digitala en il Grischun (LTD) prevesa la furmaziun d'ina organisaziun spezialisada interdisciplinara che ademplescha incumbensas centralas per promover la transfurmaziun digitala en il Grischun, quai ha communitgà la chanzlia chantunala. Per quest intent han differents partenaris en il sectur da la digitalisaziun fundà ensemen cun il chantun l'Uniun GRdigital. Il chantun è commember da l'uniun, e surdat a quella in mandat da prestaziun en il rom da la lescha.
Organisaziun
La finamira da questa organisaziun è d'unir las forzas innovativas e las expertas ed ils experts da la digitalisaziun da divers secturs e branschas. Quels duain identifitgar, inizialisar, accumpagnar e coordinar projects da digitalisaziun. L'uniun duai ultra da quai examinar la realisabladad da projects da digitalisaziun e far recumandaziuns da promoziun per mauns da la regenza.
Ord l'archiv
La digitalisaziun è omnipreschenta en il mintgadi.
