Fundaziun Plankis - Dapi 175 onns a l'ur da Cuira

Viver e lavurar sut in tetg, quai porscha la fundaziun Plankis a l'ur da Cuira. 150 persunas cun impediments pon far quai en stizun, en chascharia, sin il bain puril ubain en l'orticultura.

audio

175 onns Plankis a Cuira

02:36 min, Actualitad dals 25.09.2020.

laschar ir. Durada: 02:36 minutas.

Ina idea ch'è anc oz actuala

La fundaziun Plankis vala sco ina da las pli veglias instituziuns socialas en il Grischun. Ses intent oriund è restà actual: Porscher a persunas che han pli grev en il mintgadi, in lieu privà ed adattà.

Ordiunamain ina chasa per orfens

Avant 175 onns ha il Samedrin Johann Peter Hosang surdà ses relasch per far dal bun a la societad. Uschia è la fundaziun Plankis naschida. Cun il relasch ha la fundaziun pudì cumprar ina chasa a l'ur da Cuira. Là han uffants orfens chattà in dachasa, èn ids a scola ed han lavurà. La lezzas uras era quai ina purschida unica en il Grischun.

Oz è il Plankis ina purschida unicamain per creschids. 80 persunas dal fatg lavuran, scoleschan ed accumpognan las persunas cun impediments.