La Fundaziun Stavros Niarchos sustegna er quest onn quasi 100 projects da cultura, scienza e fatgs socials cun ina contribuziun finanziala. Tut en tut sajan vegnids inoltrads 204 projects da tut las regiuns dal Grischun. Quai communitgescha l'Uffizi da cultura dal Grischun.
La fundaziun Stavros Niarchos era vegnida fundada l'onn 2000. Quai cun l'intent da sustegnair finanzialmain projects ed instituziuns sin ils champs da cultura, scienza e fatgs socials nua che ni vischnancas ni il chantun pon dar avunda contribuziuns.