Siglir tar il cuntegn

Header

cuntegn

Fusiunar u betg? Resalvas cunter la fusiun da Haldenstein e Cuira

Ils 22 da november decida la vischnanca da Haldenstein davart ina fusiun cun Cuira. Il comité «Pro Haldenstein» sa metta a travers.

Questa fin d'emna vegn la populaziun da Haldenstein infurmada pli exact davart ina fusiun tranter Cuira e Haldenstein. Empermess èn in rapport ed il contract concret. Malgrà ch'il cuntegn dal rapport n'è anc betg public è il comité «Pro Haldenstein» gia s'engaschà per che la vischnanca restia independenta. Cun flyers en mintga chasada han els rimnà suttascripziuns. Tranter 140 e 170 suttascripziuns hajan els rimnà, di in dils commembers, Erich Buchmann.

audio
Bunura: Resalvas da Haldenstein cunter fusiun cun Cuira
ord Actualitad dals 05.11.2019.
laschar ir. Durada: 2 minutas 49 Secundas.

Il vitg duess restar in vitg

Haldenstein ha actualmain bun 1'000 habitants, Cuira bunamain 38'000. Il pli impurtant per la Pro Haldenstein saja perquai, che la vischnanca s'orienteschia vinavant a las structuras d'in vitg e quai malgrà che la vischnanca collavura gia sin plirs secturs fitg stretg cun la citad da Cuira.

Tenor il president da la citad da Cuira, Urs Marti, pudess Cuira tar in Gea da Haldenstein a la fusiun gia votar il favrer davart la fusiun.

RR actualitad 07:00

Artitgels legids il pli savens