Siglir tar il cuntegn

Header

video
Co vinavant cun l'ovra d'accumulaziun a pumpa Lago Bianco
Or da Actualitad dals 29.04.2015.
laschar ir. Durada: 1 minuta 19 Secundas.
cuntegn

Chantun Futur intschert per project Lago Bianco

L’ovra d’accumulaziun a pumpa Lago Bianco na po anc adina betg vegnir realisada. La situaziun sin il martgà d’energia cun ils bass pretsch d’electricitad na permettian betg investiziuns grondas tar il concern d’energia Repower. Quai è vegnì ditg a chaschun da la radunanza generala a Puntraschigna.

«In project dals pli impurtants en Svizra»

Cura che il project da 2.5 milliardas francs po vegnir realisà na saveva il president dal cussegl administrativ Eduard Rikli betg dir. Ma il project saja in punct impurtant da la strategia dal concern e vegnia persequità vinavant. Pli baud ni pli tard dovri ovras sco quella planisada al Lago Bianco sch’ins vul realisar la strategia d’energia 2050 da la confederaziun. Entant na possian els dentant far nagut auter che spetgar che il martgà sa normalisescha.

L’ovra d’accumulaziun a pumpa avess ina prestaziun da 1000 megawatt. Per realisar ella quinta la Repower cun 7 fin 9 onns.

audio
Saira: Co enavant cun il project Lago Bianco
ord Actualitad dals 29.04.2015.
laschar ir. Durada: 1 minuta 39 Secundas.

Artitgels legids il pli savens