Il Cussegl grond ha approvà il nov center d'emprima registraziun per requirents d’asil Meiersboden a l’ur da Cuira, dentant sin territori da la vischnanca da Curvalda. Il center duess custar 7,7 milliuns francs e porscher plazza a 180 persunas.
Las lavurs da construcziun duain cumenzar la stad 2016 uschia ch'il center pudess ir en funcziun l'atun 2017. Il center dd'emprima registraziun per requirents d'asil Meiersboden duess remplazzar il center actual Foral a Cuira. Tar lez scroda il contract d'affittanza en dus onns.
