Siglir tar il cuntegn

Header

Vista davent dal Passo di Piotta.
Legenda: Vista davent dal Passo di Piotta. Keystone
cuntegn

Chantun Gea cun persvasiun al Parc Adula, però...

L'organisaziun da l'ambient Pro Natura e sias secziuns chantunalas en il Grischun ed en il Tessin din gea al Parc Adula. Ellas pretendan però midadas en la Charta dal Parc ch'è en consultaziun fin il 1. da favrer.

Il parc saja ina schanza unica per mantegnair l'ierta extraordinaria da la natira e da la cuntrada enturn l'Adula, communitgescha Pro Natura. El dettia però era ina perspectiva en in avegnir economic durabel da la regiun. Perquai sustegna la Pro Natura da fundar il parc.

Ord persvasiun din Pro Natura e sias secziuns chantunalas en il Grischun e Tessin gea al Parc Adula.
Autur: Pro Natura

Las midadas che la Pro Natura pretenda ussa en la Charta dal Parc Adula n'han pia betg fatg midar opiniun. Per ch'il niz giavischà dal parc saja pli grond, stoppia quest sa differenziar relevantamain da territoris che na fan betg part ad in parc.

Per ch'il niz giavischà saja uschè grond sco pussaivel, èsi da meglierar la Charta dal Parc Adula.
Autur: Pro Natura

En la consultaziun per la Charta dal Parc Adula pretenda la Pro Natura migliur en 2 puncts:

  • Damain excepziuns en il reglament davart differentas gruppas d'utilisaders
  • Menziunar en la Charta correct che la zona circumdanta haja era consequenzas per las vischnancas; quai tenor l'ordinaziun davart ils parcs d'impurtanza naziunala. Plinavant na saja il perimeter anc betg cumplet.

La procedura da consultaziun finescha glindesdi, il 1. da favrer.

RR novitads 15.00