Siglir tar il cuntegn

Header

Sandra Locher Benguerel es cuntenta cun il plan d'instrucziun 21.
Legenda: La presidenta Sandra Locher Benguerel è cuntenta cun il Plan d'instrucziun 21. RTR/ G-M. Maissen
cuntegn

Chantun «Gea-dentant» al Plan d'instrucziun 21

La regenza grischuna ha approvà il Plan d'instrucziun 21 inclusiv las tavlas da lecziuns. La Magistraglia Grischun sustegna questa decisiun, dentant na èn els anc betg dal tut cuntents.

Per la scolina fin la segunda secundara va quel uschia en vigur sin l'entschatta da l'onn da scola 2018/19. Quel per la terza secundara fin il stgalim superiur vegn introducì in onn pli tard.

Il Plan d'instrucziun 21 è vegnì cumplettà ed adattà a la situaziun linguistica dal chantun Grischun. Sco proxim pass propona la regenza il zercladur 2016 al cussegl grond da conceder in credit d'impegn per realisar il nov Plan d'instrucziun 21.

Sustegn da la Magistraglia Grischun

La Magistraglia Grischun e las autoritads da scola sustegnan la decisiun da la regenza grischuna d'introducir il plan d'instrucziun 21 sin l'onn da scola 2018/19. Las associaziuns da scola dian «Gea-dentant» al plan d’instrucziun 21.

«Gea» pervi ch'els èn cuntents cun las adattaziuns ch’il chantun ha fatg sin giavisch da las associaziuns da scolas quest schaner. Quai malgrà che betg tut ils giavischs n'èn vegnids accumplids. Il «dentant» stat per las dumondas avertas che ston anc vegnir respundidas tar la realisaziun dal Plan d’instrucziun 21. Uschia n'èsi anc betg cler tgenins meds d’instrucziun che vegnan a star a disposiziun e sco che tut duai lura vegnir realisà. La presidenta da la Magistraglia Grischun, Sandra Locher Benguerel, è dentant optimistica che quai sa lascha schliar bain cun lur collavuraziun critica dentant cooperativa. Las associaziuns beneventan ch'il chantun ha mess la finamira d'introducir il plan confurm a l'original senza far pli grondas adattaziuns.

RR novitads 11:00

cdm/um/gmm