Ina incumbensa dal liberaldemocrat da Cuira Rudolf Kunz pretendeva da dismetter la taglia chantunala sin l’ierta. La regenza Grischuna aveva fatg la proposta da be dispensar ils geniturs da la taglia sin l’ierta e reducir la taglia per fragliuns, nevs e nezzas sin 5%. Partenaris, uffants, biadis e sutbiadis han gia tenor il dretg vertent da pajar nagina taglia sin l’ierta. Tut ils auters ertavels han tenor l’incumbensa surdada vinavant da pajar almain 10% taglia sin l’ierta. La taglia sin l’ierta ussa valaivla porta tenor la regenza Grischuna tranter 11 e 15 milliuns en las cassas dal Chantun. La regenza e l’administraziun chantunala han uss da metter sin via las midadas necessarias.
Il chantun sto quintar cun damain entradas da la taglia d'ierta
L’autezza da la taglia da vischnanca sin l’ierta n’è betg tangada da questa decisiun dal parlament Grischun. Però duai alura il chantun incassar la taglia d’ierta chantunala e communala.
La regenza e l’administraziun chantunala han uss da metter sin via las midadas necessarias. Il chantun po quintar cun tranter 30% e 40% damain entradas da taglia chantunala sin l’ierta.
RR novitads 17:00