Siglir tar il cuntegn

Header

Ina lunga parait cotschna cun ifnurmaziuns da la viafier.
Legenda: Quest project grischun ha persvadì la giuria tudestga - l'arena d'infurmaziun da la Viafier retica tar Preda. MAD
cuntegn

Chantun German Design Award 2017 per la Viafier retica

La viafier vegn premiada per sia arena d'infurmaziuns dal tunnel da l'Alvra cun ina menziun speziala en la categoria Urban Space. La giuria internaziunala haja sa laschà persvader da «l'inscenaziun originala ed infurmativa» dal plazzal a Preda scriva la Viafier retica.

Ina giuria internaziunala cun 48 commembras e commembers ha ludà la qualitad dal design ed il concept cumplessiv da l’uschenumnada arena dad info tar il plazzal da fabrica a Preda. Cun quell’arena dad info vul la Viafier retica infurmar durant la refabrica dal tunnel da quel project grond.

L’arena è vegnida creada dals dus ateliers Erlebnisplan a Lucerna e da l’atelier per scenografia ed architectura Frank Dittmann a Turitg.

Il German Design Award è in dals pli renumnads premis internaziunals per trends en il design. Sin sia pagina en la rait scriva l’organisaziun che quest onn sajan vegnids inoltrads 4’000 projects e products da 50 pajais. La giuria ha attribuì en 48 categorias 45 premis d’aur e 361 projects èn vegnids menziunads sco «Winner».

La surdada dal premi è ils 10 da favrer 2017 a Frankfurt.

RR novitads 11:00

Dapli da Grischunavrir la Landingpage

Nach links scrollen Nach rechts scrollen