Siglir tar il cuntegn

Header

cuntegn

Chantun Gian Michael è nov president da l'ANR

Il deputà da la Val Schons, Gian Michael, succeda a Martin Gabriel e vegn president da l’Agentura da Novitads Rumantschas (ANR). El è vegnì elegì al la sesida dal cussegl da fundaziun da l’ANR, ha communitgà l'ANR.

Michael ha 50 onns ed è pur a Donat, plinavant è el commember dal Cussegl grond e schef da fracziun da la Partida burgais-democratica (PBD).

Sper la scola èn ils meds da massa bain ils elements ils pli essenzials per il mantegniment e la promoziun da la lingua rumantscha.
Autur: Gian Michael Nov president dal cussegl da fundaziun da l'ANR

Plinavant sa midian ils meds da massa il mument fitg, en spezial er ils rumantschs, uschia Michael. El sa legria da sa participar activamain al project «Medias rumantschas 2019».

Michael succeda a Martin Gabriel

Suenter stgars quatter onns dat Gabriel giu il presidi dal cussegl da fundaziun da l’ANR. El aveva surprendì il post da Jon Domenic Parolini, ch’era vegnì elegì lura, pia il 2014, en la regenza. Avant in onn è Gabriel vegnì elegì sco secretari general da la Lia Rumantscha. Sinaquai aveva el gia annunzià da smetter il post da presidi. Sco soluziun transitorica è el restà en uffizi fin uss.

Las lavurs per salvar La Quotidiana sajan stadas las pli marcantas durant ses temp d’uffizi. Gabriel resta en il cussegl da fundaziun da l’ANR, quai sco represchentant da la Lia Rumantscha.

RR novitads 12:00

Artitgels legids il pli savens