La suprastanza e la direcziun da Grischun Vacanzas èn il mument vi da reveder la strategia actuala da lur organisaziun. Per ch'ils responsabels hajan avunda temp per s'occupar da las dumondas impurtantas, han els chattà cun Gieri Spescha ina soluziun transitorica professiunala.
«Metropola da la natira da las Alps»
Sia incumbensa principala saja da far avanzar il svilup da la marca «Grischun» e da concepir activamain la realisaziun da la «Visiun da marca 2.0» e l’idea da marca «Metropola da la natira da las Alps», uschia Grischun Vacanzas
Fin la stad 2016
Spescha era fin la primavaira passada commember da la direcziun da Grischun Vacanzas. Ses nov engaschament dura fin l'entschatta da la stad dal 2016. Il process da reveder la strategia duess lura dentant gia esser a fin, numnadamain gia il schaner.
RR novitads 20:00