Siglir tar il cuntegn

Header

Stefan Grass.
Legenda: Stefan Grass era gia tar l'emprima debatta da gieus olimpics el chantun manader dal comité na a gieus olimpics. Keystone
cuntegn

Chantun Gieus olimpics 2026 GR: novs sforzs midan pauc tar ils adversaris

Per Stefan Grass dal comité encunter gieus olimpics è cler: La nov'agenda 2020 dal comié olimpic internaziunal, IOC, che permetta d'organisar gieus decentrals è be cosmetica e perquai restia el tar il na.

Quai malgrad ch'il nov project grischun duai esser pli persistents e nizzegiar l'infrastructura ch'è gia avant maun er sur ils cunfins dal chantun.

Silva Semadeni na vul anc betg dir gea u na

La cussegliera naziunala socialdemocrata e presidenta da la ProNatura Svizra, Silva Semadeni, vul l'emprim schar lavurar il nov «mister olimpia» Andreas Wieland, e lura discurrer sur da las propostas. Nizzegiar l'infrastructura ch'è avant maun e collavurar cun autras citads saja bun, uschia Semadeni.

Tuttina restian ils gieus olimpics in'aventura gigantica che custia ina massa al maun public, ed il pievel grischun haja pir ditg «na» avant gnanc 3 onns.