Siglir tar il cuntegn

Header

In tavla che mussa la direcziun tar il local da votar.
Legenda: La votaziun dal pievel en il Grischun ha lieu ils 12 da favrer 2017. Keystone
cuntegn

Chantun Gieus olimpics 2026 – il pievel vegn gia a decider il favrer 2017

Il pievel grischun decida ils 12 da favrer davart ina candidatura per ils gieus olimpics il 2026. Premissa è però ch'il Cussegl grond approvescha la candidatura en la sessiun dal december.

Las organisaziuns da tetg da l'economia grischuna han inoltrà a la regenza il dossier definitiv dal «Concept general per gieus olimpics d'enviern Grischun & partenaris 2026». Sin basa da quest dossier vegn dumandà en il rom da la missiva al Cussegl grond in credit d'impegn brut da 25 milliuns francs per inoltrar ina candidatura dal Grischun a Swiss olimpic, scriva la regenza grischuna.

Votaziun sur da project definitiv atun 2018

Betg anc clera n'è la participaziun finanziala d'auters partenaris. La grevezza effectiva per il chantun vegn dentant ad esser cleramain pli bassa, scriva la regenza. En ina segunda votaziun ch'è previsiblamain l'atun 2018 po il pievel lura decider davart il project definitiv.

RR novitads 18:00

cdm/ma