Siglir tar il cuntegn

Chantun Gieus olimpics 2026: Socialdemocrats èn sceptics

I saja avert memia bleras damondas en il mument per pudair dir gea u na als gieus olimpics. Da principi n'è la Partida Socialdemocratica dentant betg encunter.

Legenda: Guardar il video «La PS na sustegna il mument betg il messadi per gieus olimpics en il Grischun». Durada 2:03 minutas.
Or da Telesguard dals 09.11.2016.

La raschun, pertge che la Partida Socialdemocratica dal Grischun (PS) n'ha betg anc decidì ina parola per u cunter gieus olimpics è simpla: I saja avert memia bleras dumondas, ha ditg Philipp Wilhelm, il president da partida, a chaschun d'ina conferenza da medias.

Il concept avant maun stoppian ins surluvrar massivamain, è el persvas.Uschia sco il concept saja ussa, na possian ins gnanc votar davart il concept. Cunzunt tar la finanziaziun na saja anc nagut cler. Sper quai stoppian ins metter en damonda il niz per l'economia dal concept che metta sin il turissem d'enviern, usche Philipp Wilhelm vinavant.

Cifras tutgan sin maisa

Pir cura che las dumondas avertas èn respundidas e las cifras èn sin maisa, decida la PS lura propi la parola. Quai vegn ad esser pir suenter la sessiun da december dal Cussegl grond, uschia il president da partida. Sper quai metta el era en dumonda, quant serius ch'igl è da gia decider parolas e far ina campagna, avant ch'il Cussegl grond ha insumma debattà e decidì en chaussa.

RR actualitad saira 17:00