Siglir tar il cuntegn

Header

Rintgs d'olimpia.
Legenda: La PPS sustegna il gieus olimpics en il Grischun. Keystone
cuntegn

Chantun Gieus olimpics: PPS tema ch’i vegnia stretg

La Partida populara grischuna è per ils gieus olimpics en il Grischun. Il project duai dar novs impuls a las regiuns sco era esser in motor per l’economia Grischuna. Quai è il tenor da la basa da la partida. Tuttina n'èn intgins deputads da la PPS Grischuna betg persvadì ch'il pievel di gea.

In chau olimpic - avantatg u disavantatg?

In crap da stgarpitsch pudess tenor il deputà dal Cussegl grond Domenic Toutsch esser, ch’i dettia quella giada nagina persuna che porta l'entir project.

Jeu vesel senza ina persuna che trai il car ner per la candidatura
Autur: Domenic ToutschDeputà dal Cussegl grond

Era il deputà dal Cussegl grond - Mario Salis - avess gì gugent ina persuna che stess davant e motivass la glieud en il chantun. Dentant era senza quella persuna è Salis plain fidanza ch'i dettia ils 12 da favrer 2017 in gea a l’urna.

Per la secretaria da la PPS - Valérie Favre Accola - n'èsi perencunter betg in disavantatg da betg avair in chau olimpic. Ella è da l'avis ch’ins possia uschia motivar in’entira gruppa da glieud. La finamira saja d'avair in moviment per ils gieus olimpics en l'entir Grischun ed en l’entira Svizra. Segir ch’i dettia in gea sapp'ins denant betg esser, manegia Favre Accola. Per che quai gartegia drovi anc bler lavur da persvasiun.

Il temp pudess chaschunar malsegirtads

Era il temp che resta uss anc fin tar la votaziun dal favrer pudess esser in crap da stgarpitsch. Mario Salis manegia ch’ins stoppia uss infurmar bain la glieud per ch’els sajan pronts per la votaziun.

Artitgels legids il pli savens

Scrollar a sanestra Scrollar a dretga