Siglir tar il cuntegn

Header

La citad veglia durant la festa da Cuira
Legenda: Er quest on s'emplainan las streglias da Cuira puspè cun visitaders e visitadras. RTR
cuntegn

Giubileum 30 onns Ultims preparativs – e lura va la festa liber

Per la 30avla giada vegn festivà a Cuira la festa da la citad – la pli gronda festa da la chapitala grischuna.

A Cuira cumenza oz venderdi la festa gronda. Quest onn èn passa 60 uniuns s'annunziadas per far part a la festa da Cuira. Quatter da quellas uniuns èn gia dapi l'entschatta da l'onn 1989 da la partida.

Ina dad ellas è l'uniun dals seniors da l'EHC Cuira. Theo Capaul è gia dapi l'entschatta da la festa da Cuira da la partida. El e ses figl organiseschan ensemen la tenda da l'EHC. Curt avant la festa èn els anc vid las davosas preparaziuns.

Er la festa da giubileum pli u main sco adina

Per il giubileum vegn la Plazza da la posta transfurmada en in «village da giubileum». Ils visitaders na ston dentant er quest onn betg quintar cun grondas midadas.

Sco mintg'onn stat la cumpignia en il center da la festa da Cuira. Stans classics sco la «Öpfeli-Bar», la «Cai P Bar» e lieus per cumprar ils legendars zagrenders na mancan era quest onn betg.

RR actualitad 06:00