Il pli tard a partir da l’onn 2020 duajan las Grischunas ed ils Grischuns pudair votar electronicamain. Quai ha il president da la regenza Christian Rathgeb ditg en l’ura da dumondas dal Cussegl grond.
Actualmain saja la chanzlia chantunala vi da las lavurs da preparaziun ensemen cun auters chantuns. Christian Rathgeb ha dentant era accentuà ch’i saja vegnì fatg avunda tests ed il votar electronic duai vegnir introducì uschè spert sco pussaivel.
Il Cussegl grond tracta probabel il zercladur 2017 la dumonda dad e-voting.
