Siglir tar il cuntegn

Header

placat per la campagna Grischun 2022
Legenda: Per la candidatura 2022 vevi dà numerus placats, tatgaders etc. La campagna per ils gieus olimpics 2026 en il Grischun vegn lantschada proximamain. Keystone
cuntegn

Chantun Grischun 2026 è fin oz nunvesaivel

Il december decida il Cussegl grond davart il credit per la candidatura Grischun 2026. Ils 12 da favrer vegn il pievel dumandà, sch’el vul approvar il credit da 25 milliuns ch’i dovra per la candidatura. Ma la campagna n’è fin ussa betg pronta.

Fin ussa na vesan ins nagliur placats ni tatgaders dals gieus olimpics en il Grischun 2026. Er en l’internet na chatt’ins nagina pagina davart questa candidatura. I n’ha era anc betg dà occurrenzas d’infurmaziun. L’iniziant e directur da l’uniun d’economia grischuna, Jürg Michel, è conscient da quai. Era saja cler, ch’els stoppian uss agir spert, e quai fetschian els era. Quels dis hajan ins surdà l’incumbensa ad in’agentura che vegn a gidar da far la lavur da persvasiun, la campagna per la candidatura.

Anc nagin mister u miss olimpia

Plinavant dovri persunas che stattan davanttiers, che persvadan la populaziun e dattan pled e fatg, in pensum che Gian Gilli ha fatg la davosa giada. Questa giada n’è quai betg il cas, schebain che Gilli è sa gidà cun la gruppa da lavur. Questa giada vulan ins reparter la lavur da persvasiun sin plirs chaus. Ils nums n’èn anc betg enconuschents. Ma quai duain esser differentas persunas, davent da giuvens sportists enfin politichers e turistichers.

Artitgels legids il pli savens

Scrollar a sanestra Scrollar a dretga