Siglir tar il cuntegn

Header

cuntegn

Chantun Grischun cun 8,2 milliuns francs reservas en il sectur d'asil

La pauschala globala da 1'429 francs per requirent d'asil e mais ch'il chantun Grischun survegn da la Confederaziun, è pli aut ch'ils custs. Quai è il motiv daco ch'il Grischun ha fatg 8,2 milliuns francs reservas ils davos onns en il sectur d'asil.

Dus facturs èn centrals per ils custs bass en il Grischun, tenor Markus Haltiner da l'Uffizi da migraziun chantunal. Per l'ina vegnan ils requirents d'asil tgirads da collavuraturs dal chantun e betg da fatschentas externas. Quai saja pli favuraivel. Per l'autra èn las uschenumnadas «structuras collectivas» decisivas. Tras quellas vegnan requirents d'asil en centers pli gronds sco per exempel a Laax, e betg en abitaziuns singulas che custan dapli.

audio
Saira: Requirents d’asil procuran per in surpli en il quint grischun
ord Actualitad dals 21.10.2016.
laschar ir. Durada: 2 minutas 21 Secundas.

Reservas duain restar en il sectur d'asil

Las reservas duain gidar da finanziar il center per l'emprima registraziun da requirents a Meiersboden. Ultra da quai vesi il mument ora uschia sco sch'il deficit en il sectur d'asil muntass il 2016 circa 210'000 francs. Era quels duain vegnir pajads ord las reservas, di Markus Haltiner.

Reservas n’èn betg liadas

Las reservas ord il sectur d'asil n'èn dentant betg liadas. Quai vul dir ch'il Cussegl grond pudess per exempel decider da duvrar ils 8,2 milliuns francs en auters secturs.

RR actualitad 17:00

Artitgels legids il pli savens