Siglir tar il cuntegn

Header

cuntegn

Chantun Grischun: Dapli controlla digitala en il spazi public

Registraziuns da cameras duain vegnir arcunadas per in tschert temp. La surveglianza vegn reglada en la lescha da polizia. La regenza ha deliberà in sboz per ina revisiun parziala da la lescha da polizia.

audio
Saira: Il spazi public en Grischun duai vegnir survegilà pli ferm
ord Actualitad dals 13.10.2017.
laschar ir. Durada: 49 Secundas.

Sco quai che la regenza communitgescha, duai ina surveglianza dal spazi public cun meds tecnics be esser pussaivla sut tschertas cundiziuns. I sa tracta numnadamain d'ina intervenziun en la sfera privata. Per consequenza duai vegnir resguardà il princip da commensurabladad. La revisiun va enavos sin in'incumbensa dal parlament.

Ulteriuras propostas da reglaments

En la revisiun parziala duain ultra da la meglra surveglianza dal spazi public èr vegnir introducì ina procedura d'autorisaziun per proceduras penalas cunter policistas e policists. Plinavant circumscriva e precisescha il sboz per ina revisiun parziala da la lescha era las incumbensas da las polizias communalas, la protecziun da datas, las mesiras secretas preventivas da la polizia sco era la procedura chantunala da multas disciplinaras.

La consultaziun cuzza fin ils 5 da schaner 2018. En vigur entra la lescha dentant pir il 1. da schaner 2019.

RR novitads 14:00

Artitgels legids il pli savens