Siglir tar il cuntegn

Header

Navigaziun

Purtret da Philipp Wilhelm durant in pled.
Legenda: Philipp Wilhelm vul ch'il chantun fa dapli per proteger il clima. Dus terzs dals deputads èn dal medem avis ed han suttascrit la moziun inoltrada Keystone
cuntegn

Chantun Grischun duai s'occupar pli fitg cun la protecziun dal clima

Il Grischun duai elavurar ina strategia, in uschenumnà «Green Deal». Quai pretenda il deputà da la PS Philipp Wilhelm en ina moziun inoltrada a la regenza.

«Green Deal» munta mesiras concretas ed effizientas che cuntegnian er in budget e propostas per midadas da la lescha sch'i dovra talas. Cun quai plan pudess il Grischun er pigliar en ina posiziun da piunier quai che pertutga la midada sin il sectur da l'engergia.

I dovria ina protecziun dal clima pli intensiva per cuntanscher las finamiras da la strategia da clima internaziunala da la cunvegna da Paris. La pretensiun da Philipp Wilhelm pledenta er ina gronda part dals deputads dal Cussegl grond. Dus terzs han suttascrit cun el la moziun inoltrada.

RR novitads 12:00