Siglir tar il cuntegn

Header

ina dunna che schubregia ina chombra da hotel
Legenda: Las bleras destinaziuns grischunas han nudà damain pernottaziuns, malgrà il plus da l'entir chantun., Keystone
cuntegn

Chantun Grischun dumbra dapli pernottaziuns

Il favrer ha la hotellaria grischuna nudà 734'413 pernottaziuns. Quai èn 1,2% dapli ch'il favrer 2016. Tenor las cifras da l'Uffizi per economia e turissem dal Grischun han per exempel las destinaziuns Valposchiavo (+24.2%), Cuira (+12.6%), Lai (+10,2%), Engiadina San Murezzan (+6.7%) nudà plus.

audio
Dapli pernottaziuns il favrer
ord Actualitad dals 04.04.2017.
laschar ir. Durada: 1 minuta 11 Secundas.

La destinaziun Engiadina San Murezzan ha probabel pudì profitar dals Campiunadis mundials da skis. En total ha questa destinaziun dumbrà il favrer 229'714 pernottaziuns (2016: 215'273). Er il sguard sin la statistica da derivanza dals giasts mussa ch'il campiunadi da skis ha carmalà. Il dumber d'Austriacs è s'augmentà per 135,9% sin 10'154 persunas, cumpareglià cun il favrer 2016. Ma er ils dumbers da giasts dals Stadis Unids, da la Pologna, da la Russia u da la Tschechia èn s'augmentads marcantamain.

Al campiunadi 2003 anc dapli pernottaziuns

L'onn 2003 ha San Murezzan er già organisà il campiunadi mundial. Lura ha la destinaziun nudà 276'908 pernottaziuns, pia anc 47'194 pernottaziuns dapli ch'il 2017. L'ambient economic e las structuras da la branscha èn sa midadas durant quests ultims 14 onns. Il campiunadi ha cuvert mo ina part da las pernottaziuns dal favrer (2003: 2. - 16.2; 2017: 6. - 19.2).

Cumparegliaziun pernottaziuns a San Murezzan (campiunadi)

favrer
manaschis
letgspernottaziuns
200317313 325
276 904
201714314 215
229 714

Il 2003 era l'emprima cursa ina dumengia. L'occurenza è lura s'extendida sur trais fins da l'emna. Er quai pudess declerar la differenza, di Patrick Casanova, manader statistica da l'Uffizi per economia e turissem dal Grischun.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

Svizra ha damain pernottaziuns

Suenter las cifras positivas dal schaner ha la hotellaria svizra dumbrà il favrer 1,5% damain pernottaziuns, en total anc 3'040'239. Dal schaner fin il favrer ha la hotellaria svizra registrà en total 5,7 milliuns pernottaziuns, quai è in plus da 1.6% u 88'000 pernottaziuns dapli che l'onn 2016. 2,8 milliuns pernottaziuns van sin il conto da giasts da l'exteriur.

RR novitads 10:00

Artitgels legids il pli savens