A chaschun da lur radunanza annuala a Soloturn han ils directurs chantunals d'educaziun elegì ils novs commembers dal Cussegl da las scolas autas. Quest cussegl fa part da la conferenza universitara svizra ch'è il pli aut organ da la politica da las scolas autas.
Il Cussegl da las scolas autas sa cumpona dal cusseglier federal responsabel e da 14 chantuns. Ils chantuns Berna, Basilea Citad, Friburg, Genevra, Lucerna, Neuschatel, Son Gagl, Tessin, Vad e Turitg han in sez permanent en il cussegl. Ils quatter sezs restants vegnan repartids tranter ils ulteriurs chantuns. En la perioda actuala dal 2015 fin 2018 èn quai ils chantuns Grischun, Argovia, Schwiz e Vallais – ils medems chantuns pia ch'èn er vegnids reelegids per la proxima perioda che cuzza fin il 2022. Er vegnì proponì per l'elecziun era il chantun Basilea-Champagna.
RR novitads 12:00