Siglir tar il cuntegn
Inhalt

Chantun Grischun fa part da regiun d'asil Svizra Orientala

Il chantun Grischun collavura en futur tar expulsiuns da requirents d'asil cun ils ulteriurs chantuns da la regiun.

requirents d'asil en in center vi d'ina maisa. Ins vesa mo ils dies.
Legenda: En futur collavura il Grischun ensemen cun ils ulteriurs chantuns da la Svizra orientala, sch'i va per expulsiuns da requirents. Keystone

A partir dal prim da mars 2019 vegn il Grischun a furmar ensemen cun ils chantuns Appenzell Dadora, Appenzell Dadens, Glaruna, Son Gagl, Schaffusa e Turgovia la nova Regiun d'asil Svizra Orientala. Quella reglescha il sustegn vicendaivel sch'i va per proceduras da repatriar requirents d'asil. La regenza grischuna ha approvà ina cunvegna correspundenta.

Pervi da la structuraziun nova dals fatgs d'asil, vegni a dar en futur en Svizra sis regiuns d'asil. En la regiun da la Svizra orientala èsi planisà da stgaffir dus centers d'asil federals: in ad Altstätten en il chantun Son Gagl e l'auter a Kreuzlingen en il chantun Turgovia.

RR novitads 11:00