Grischun fa reclama per sias scolas superiuras

A l'exposiziun “Schoolexpo” en la halla da la staziun principala a Turitg sa preschentan 4 scolas grischunas dal stgalim terziar.

Il culm artificial "Piz Terz" entamez l'exposiziun a la staziun principala da Turitg. Bild in Lightbox öffnen.

Legenda da maletgs: Il culm artificial "Piz Terz" entamez l'exposiziun a la staziun principala a Turitg. RTR, H. Schär

La finamira principala da l'occurrenza è da mussar ch'il Grischun n'è betg mo chantun da vacanzas mabain era chantun da furmaziun e scolaziun, uschia ha ditg Christian Ehrbar da l'Uffizi per la furmaziun media-superiura dal Grischun.

“Piz Terz” fa allusiun sin scolaziun terziara

Il Grischun ha survegnì in plaz a l'ur da l'exposiziun. Entamez è tschentà in culm artifizial, il "Piz Terz" che fa allusiun sin la scolaziun terziara.

Il chantun, vul dir l'Uffizi per la furmaziun media-superiura, ha organisà la plattafurma per las scolas HTW (scol'auta per tecnica e scienza), per la SSHT (Swiss School of Tourism and Hospitality), la HFT (scola spezialisada superiura per turissem) e l'ibW (Institut per la furmaziun professiunala).