Siglir tar il cuntegn

Header

Ospital da Walenstadt.
Legenda: Cun ina regiun d'ospitals per il Grischun, la Glaruna e la regiun Sargans duai vegnir impedì che l'ospital da Walenstadt sto serrar las portas. Keystone
cuntegn

Grischun, Glaruna e Sargans Nova regiun dad ospitals per trais chantuns

Proxima emna duai vegnir preschentada l'idea d'ina regiun d'ospitals per la Svizra Sidorientala. Quai rapporta il schurnal regiunal da SRF. Ils ospitals chantunals dal Grischun e da la Glaruna sustegnian questa idea.

L'iniziativa vegn da la communitad d'interess Sardona e da la regiun da Sargans. Quellas speran uschia da pudair evitar che l'ospital da Walenstadt vegnia serrà.

Discussiun brisanta en chantun Son Gagl

La discussiun per ina regiun d'ospitals sur trais chantuns vegn lantschada il medem mument, sco quai ch'il chantun Son Gagl vul introducir ina nova strategia dad ospitals. Quella prevesa da serrar respectiv midar la funcziun da tschintg ospitals en las regiuns, tranter quels er l'ospital da Walenstadt.

Ord l'archiv:

Per garantir il provediment decentral dals ospitals en Grischun vul il chantun stgaffir novas structuras. La proposta per la revisiun parziala da la lescha da promover la tgira da malsauns, ch'è vegnida preschentada avant in onn, cuntegna la furmaziun da regiuns da sanadad. En mintga regiun duai vegnir organisada ina fundaziun da las vischnancas pertutgadas.

video
Revisiun da la lescha da sanadad
Or da Telesguard dals 30.01.2019.
laschar ir

RTR novitads 06:00