I n'è betg stà ina uschè bella stad sco l'onn passà, ma tuttina ina stad ch'ha carmalà blera glieud en las chamonas da CAS. Quai han confermà las chamonas da Jenatsch, Maighels, Calanda e Kesch envers RTR. Surtut durant ils mais da fanadur ed avust èn las chamonas stadas occupadas fermamain.
Ursina Barblan è dapi 11 onns guardiachamona da la chamona Kesch a Tavau e malgrà che l'aura n'ha betg adina fatg obedientscha questa stad di ella:
Meglra che la stagiun da quest onn è mo l'onn passà stà
Ina stagiun plitost mediocra hai percunter dà per la chamona dal Linard en l'Engiadina Bassa. Tar els vegnian surtut alpinists che vulan ir sin il piz Linard e lez sajan avisads sin bell'aura di Sepp Erni, responsabel per la chamona. E quai na saja betg adina stà il cas questa stad. Adina puspè hai dà plievgia.
RR actualitad 06:00