Siglir tar il cuntegn

Header

Coc da la campagna èn purschidas d’enviern cun in surpli da valur real, scriva Grischun Vacanzas.
Legenda: Coc da la campagna èn purschidas d’enviern cun in surpli da valur real, scriva Grischun Vacanzas. Keystone
cuntegn

Chantun Grischun investescha 1,16 milliuns francs en il giast svizzer

Grazia al sustegn finanzial dal chantun ed il star ensemen da la branscha, possia il turissem grischun investir dapi la primavaira 1,16 milliuns francs en il giast svizzer, scriva Grischun vacanzas. La campagna da carmalar dapli giasts da la svizra tudestga en il Grischun cuntinueschia.

La campagna grischuna sa concentreschia cunzunt sin la regiun da Turitg ed Argovia, sco era sin la Svizra orientala. Pia là nua ch’ins quinta ch’il potenzial da giasts che vegnan en il Grischun saja il pli grond. Coc da la campagna sajan purschidas d’enviern cun in surpli da valur real, scriva Grischun Vacanzas.

Colliar las forzas

Finanzià vegnan las activitads grischunas da Grischun vacanzas e da las destinaziuns turisticas. La basa furma ina contribuziun dal chantun da 500’000 francs. Grischun vacanzas aveva dumandà per sustegn finanzial suenter che la Banca naziunala svizra aveva abolì il curs minimal da l’euro envers il franc il schaner passà.

Arosa, la Bregaglia, Tavau Claustra, Sedrun Mustér, Engiadina San Murezzan, la Viamala, Flem Laax, Lai, Savognin e la Surselva contribueschan ensemen cun la Viafier retica 665’000 francs a la campagna.

RR novitads 14:00

Dapli da Grischunavrir la Landingpage

Nach links scrollen Nach rechts scrollen