Grischun: Petiziun per promover la cultura

L'organisaziun 'chantun da cultura Grischun' ha lantschà ina petiziun per promover la cultura en il Grischun.

Impressiuns da la premiera da l'opera 'Fuorn da fieu' en il chastè da Riom. Bild in Lightbox öffnen.

Legenda da maletgs: Impressiuns da la premiera da l'opera 'Fuorn da fieu' en il chastè da Riom. RTR, Hubert Giger

En ina conferenza da medias han ils iniziants preschentà ils puncts centrals da lur petiziun. Els pretendan ch’il chantun sustegna anc dapli la lavur culturala en tut sias furmas, cun dapli meds finanzials.

Chant, musica e teater cun promoziun da linguas, art ed exposiziuns - da laics u sin nivel professiunal - duessan survegnir dapli meds finanzials dal chantun.

Ils 5 da schaner 2017 ha lura lieu en la chasa dal Cussegl grond ina festa da cultura. Quella festa vegn ad esser emplenida cun pitschnas rapreschentaziuns da mintga nivel e da mintga sparta da la cultura. En quest rom vegn era surdada la petiziun al Cussegl grond.

RR novitads 14:00