Siglir tar il cuntegn

Header

cuntegn

Chantun Grischun po applitgar il nov plan directiv

Il Cussegl federal ha approvà ils plans directivs revedids dals chantuns Grischun e Schaffusa. Uschia èn fin uss 18 plans directivs chantunals adattads a la lescha revedida davart la planisaziun dal territori.

Il Grischun e Schaffusa adempleschian las novas prescripziuns, communitgescha il Departament federal per ambient, energia, traffic e telecommunicaziun.

Examinar zonas aifer dus onns

Uss ston las vischnancas grischunas examinar aifer dus onns lur zonas d'abitar, las zonas maschadadas sco er las zonas centralas. Quellas èn per il pli memia grondas. Plinavant stoppia er vegnir controllà sche il basegn da zonas da lavur correspunda a la realitad.

Tenor il la revedida lescha davart la planisaziun dal territori ston ils chantuns definir lur zonas uschia che talas correspundan als basegns dals dals proxims 15 onns.

Scumond per tschintg chantuns

Ils chantuns da Genevra, Lucerna, Schwyz, Zug e Turitg na dastgan en il mument betg pli stgaffir novas zonas da bajegiar. Quai ha decis il Cussegl federal. Ils chantuns n’hajan betg introducì a temp ina taxa sin la plivalur u betg ademplì las pretensiuns dal dretg federal.

RR novitads 11:00

Artitgels legids il pli savens