Per la lavur preparativa ha il comité dentant gia survegnì sustegn da la regenza. Maximalmain 400 000 francs ha la regenza decidì dad impunder en la lavur dal comité. Quai n'èn dentant betg las pajas dals commembers dal comité, mabain quai duai be star a disposiziun per pajar lavurs professiunalas da terz.
"Il comité fa sia lavur per uschè da dir gratuitamain"
Quai di il cusseglier guvernativ Jon Domenic Parolini. E pir cun las prescripziuns da Swiss Olympic vegn i ora, sch'igl è pussaivel che l'entira Svizra faschess ina candidatura communabla. Ina candidatura naziunala è la proposta d'ina nova gruppa d'interess "IG Switzerland 2026". Tenor cusseglier guvernativ Mario Cavigelli avess uschè ina candidatura avantatgs sco er dischavantatgs.
