La scena da sport grischuna survegn agid supplementar dal Chantun. Durant l'emprima unda da corona aveva la regenza gia mess a disposiziun in milliun francs per il sport grischun. Uss fa la regenza pront ulteriurs 3 milliuns francs. Ils daners duain surtut sustegnair las structuras da sport ed il sport da giuvens talents.
Differents discurs cun uniuns e federaziuns da sport hajan mussà, che blers clubs sajan periclitads, damai che las entradas manchian. E quai saja er in privel per la promoziun dals giuvens sportists, scriva il chantun.