Siglir tar il cuntegn

Header

Persuna ch'ins vesa mo el stgir en ina abitaziun.
Legenda: Il Grischun va en connex cun la quarantina pervi dal coronavirus ina atgna via. Keystone
cuntegn

Grischun va atgna via Turists vaccinads na ston betg ir en quarantina

Persunas che han gia survegnì duas dosas dal vaccin cunter corona, na ston betg pli ir en quarantina – er sch'ellas vegnan ord ina regiun da risico.

Turists ch'arrivan en Grischun na ston betg pli ir en quarantina, sch'els èn gia vegnids vaccinads duas giadas cunter il coronavirus. Er persunas ch'han gì la malsogna Covid-19 trais mais avant che vegnir en Grischun e che pon mussar si quai, na ston betg ir in quarantina. Betg liberads da la quarantina vegnan dentant tut ils viagiaturs da la Gronda Britannia e da la Africa dal Sid. Quai ha il post da communicaziun coronavirus dal Grischun confermà la gievgia sin dumonda da l'agentura Keystone-SDA. Avant aveva il portal tagesanzeiger.ch rapportà da quai.

Il chantun sa basa per questa nova regla sin l'ordinaziun da corona da la Confederaziun davart las mesiras per il traffic da viadi internaziunal. Questa ordinaziun permettia tschertas excepziuns als chantuns.

RTR novitads 16:00

Artitgels legids il pli savens

Scrollar a sanestra Scrollar a dretga