Siglir tar il cuntegn

Header

video
Grischun Vacanzas a la tschertga d'in schef
Or da Telesguard dals 04.01.2016.
laschar ir. Durada: 2 minutas 42 Secundas.
cuntegn

Chantun Grischun Vacanzas: A la tschertga dad in schef

Grischun Vacanzas reorganisescha e tschertga in nov manader da fatschenta. La direcziun da Grischun Vacanzas é vi dad elavurar il profil ch'il nov manader stuess avair. Però quai pudess durar anc in pèr mais.

Suenter ch'il CEO Gaudenz Thoma ha demissiunà sin la fin d’avust, ha surpiglià Myriam Keller il post da manadra ad interim. Ella ha ditg envers RTR ch'ella haja gust vi da la lavur sco manadra da Grischun Vacanzas. Myriam Keller ha dentant era manegià, ch’ella na sappia anc betg, sch’ella surpigliess vinavant il post.

Sco directur da Grischun Vacanzas ston ins avair in profil ch'i na dat praticamain betg. Ins sto servir a blers ed i n'è quasi betg pussaivel da cuntentar tuts.
Autur: Silvio Schmid President pendicularas Grischun

Nums concrets per il post na vegnan betg numnads. Speculà vegn però bain. Numnà vegn per exempel il directur da Turissem Engiadina Scuol Samignun Val Müstair, ubain era l'anteriur schef da communicaziun Gieri Spescha. Omadus inditgeschan però che quai na saja per il mument nagina opziun per els.

RR Actualitad saira 17:00

Artitgels legids il pli savens