Siglir tar il cuntegn

Chantun Grischun Vacanzas cun bilantscha positiva

L'organisaziun turistica guarda enavos sin in legraivel onn da fatschenta 2017. Quai er grazia a la blera naiv.

Legende: Video Grischun Vacanzas: Jürg Schmid dapi in onn president abspielen. Laufzeit 03:10 Minuten.
Or da Telesguard dals 16.05.2018.

L'organisaziun turistica «Grischun Vacanzas» è cuntenta cun l'onn passà: A la radunanza generala da mesemna a Cuira èsi perfin vegnì discurrì dad in «turn-around» en il turissem grischun. Quai di era il president Jürg Schmid ch'è dapi in mez onn en uffizi. Tuttina sajan las sfidas vinavant grondas. I saja impurtant d'optimar vinavant la qualitad e da rinforzar la posiziun als martgads.

En tut hajan 4,85 milliuns persunas fatg vacanzas en il Grischun l'onn passà. Ils dus onns avant eran quai anc 4,63 milliuns persunas, ha ditg Martin Vincenz, il CEO da Grischun Vacanzas. Cuntent è Grischun Vacanzas era cun la stagiun d'enviern: 5,9% dapli giasts hajan visità destinaziuns grischunas. Quai cumpareglià cun l’onn 2016.

Er per la stad e las stagiuns che suondian quinta Grischun Vacanzas che quest trend positiv cuntinueschia.

RR novitads 17:00